بڕوات هەبێ جاری وایە پێم خۆشە قەراغێکی بدینمەوە و خۆمی لێ وەشارمەوە؛ کەس نەمبینێ، کەس نەبینم. لە تەوژمی ئەو چۆمە بێ ئابڕوویەی دنیای، خۆم لادەم و چیدیکە گوێم بۆ بیستنی هاژەهاژ و غزڕینی شلوێ نەکەم. چ بکەم! کەلاش بم، دەڵەی کەلاکم؛ ئەدی بژیوی ژیانم لە کوێ دەست کەوێ؟!

زۆر دەمێکە زۆربەی بیرۆکە و داهێنانەکانم بێ خاوەن کردوون. دەڵێم: "لێی گەڕێ ئەو کێشانەم جێ بە جێ کەم، پاشان پێیان رادەگەم"؛ بەڵام، کێشە، بە قوربانی بم، خۆ کاری لە بڕبڕایەتی و زگایەتیدا نەماوە! لە کۆڵم نابنەوە؛ هێستا بەو هەڵات هەڵات و هەسکە هەسکەشم دوا کەوتووم.
کوتم ئەگەر بەرهەمی نوێم لێ نابینن، وامەزانن مەنگ و راوێستاوم. لەمپەر و کۆسپەکان خۆیان لێ کردوومەتە پیاو... دەنا ئەمن هەر هەم